حبنه انتهى

حبنه انتهى وراح خليني مرتاح
لتهيج جروح ناسيها گوه
المن بعد جاي وشضلك وياي
شفتني مرتاح جايبلي بلوه
عايفني صار هواي ليش رجعتلي
من چنت الك محتاج شلونك ماگتلي
عفتني اشوف الموت وحدي بلياك
گوة جبرتني انساك مارايد انساك
ارجع للفراگ وضل ابچي وشتاگ
انت الردتها فراگ شفتها حلوه
خليني ناسيك ماريد احاچيك
لتذكر العين بالشافته وياك
ماعندك احساس وغدرك مينقاس
اتعذب انسان بعيونه خلاك
عمرك ماگتلي بيوم كلمة احبك
شگد تعبتني وياك الله اليتعبك
يتعبك لان وياي ماصفت نيتك
صح مانسيتك بس مثل النسيتك
ارجع للفراگ وضل ابچي وشتاگ
انت الردتها فراگ شفتها حلوه
عوف البچي عاد هو البچي شفاد
ليطيب جروح ليرجع المات
روح الله وياك خليني انساك
وياك السنين راحن حرامات
السويته حتى عداي بيه ماسوو
بكد ما چنت محبوب هسه انت مكروه
مكروه وحبك راح لتگلي وينه
يالعيشتها بضيم روحي الحنينة
ارجع للفراگ وضل ابچي وشتاگ
انت الردتها فراگ شفتها حلوه