سحابة حلمنا

سحابة حلمنا مرت مع الوقت ومع الأرياح
طواري الحب تاخذ من عيوني دايم رقادي
أسبّح في ظلام الليل ويتعب منّي المسباح
انا الظالم وأنا المظلوم وأكيد إني أنا البادي
أنا مدري من اللي باقي في عيني بعد ما طاح
وأنا ما صرت أفرّق بين أحبابي وحسّادي
ألا ليت القلوب العاشقه معها يجي مفتاح
لأجل إني أنا أقراها وأحدد مصدر اسعادي
سحابة حلمنا مرت مع الوقت ومع الأرياح
طواري الحب تاخذ من عيوني دايم رقادي
أنا ملّيت أعيش العمر أدوِّر به بعض افراح
تعبت أهيم في وادي وحظي كان في وادي
ترى مكسور فيني قلب وكنِّي طير دون جناح
قسم بالله بس ودّي أعيش العمر أنا عادي
تعبت اليوم ابي أضحك وأترك همّي ذا وارتاح
وأنا مؤمن قدر ربِّي وأبد ما يخذل منادي
أنا أرجو من سعادة قلبي ينسى كل ماقد راح
أبي أحافظ على بعض الشموخ اللي عن أجدادي
سحابة حلمنا مرت مع الوقت ومع الأريـاح
طواري الحب تاخذ من عيوني دايـم رقادي